الإسعافات الأولية لسقوط الطفل من مكان مرتفع - The First Aid
 |
| الإسعافات الأولية لسقوط الطفل من مكان مرتفع - The First Aid |
امتى احتاج انزل طوارئ؟
و امتى الاحظه فى البيت؟
و ألاحظ إيه؟
وقوع الطفل من السرير دى حادثة متكررة جدا، خدوا بالكم
حتعملى ايه؟
التصرف الصحيح لوقوع طفل من مكان مرتفع
١-بهدوء....قبل ما تشيليه بصى على اطرافه الاربعة...اتطمنى انهم بيتحركوا و كويسين...علشان لو لا قدر الله فيه طرف إتكسر...ممنوع نلمسه خالص
٢- لو الطفل لا قدر الله مش عارف ياخد نفسه او غايب عن الوعى او عنده تشنجات....ممنوع تشربيه اى حاجه...و اجرى ع الطوارئ....
أعراض الخطر لسقوط الطفل من مكان مرتفع
اتحركى للطوارئ لو حصل الآتى
_قىء متكرر....او قىء مرة واحده بس اندفاعى..
يعنى ايه ترجيع اندفاعى؟ يعنى بيرجع كمية كبيرة مرة واحدخ زى النافورة كده....
_لو فيه افرازات من الاذن او افرازات بيضا من الأنف، او نزيف فى الأنف
_ حسسى على راسه بايدك بالراحه...لو فيه اى حتى مكلكعه او وارمه، انزلى الطوارئ خصوصا لو سنه صغير
_ لو فيه ورم حوالين العين
_ لو الطفل سنه اصغر من ٦ شهور، الراس بتكون طرية و ضعيفة...لازم تنزليه الطوارئ يتطمنوا عليه
_لو مفيش اى علامة من دول، حتتابعيه فى البيت لمدة ٤٨ ساعة، و تتأكدى ان مفيش علامه من دول
متابعة الطفل بعد سقوطه
- نوم كتييير جدا
- رافض الرضاعة او الاكل
- مقريف جدا و مووووده وحش
- بكاء شديد....اتطمنى ان جسمه مش واجعه....
- تتاكدي ان مفيش اى كدمات و زرقان
- ترجيع
- صعوبات تنفس
- اى علامة مقلقة او عير معتادة انزلى الطوارئ
بننزل الطوارئ...مش بننتظر لما عيادة الدكتور تفتح تانة يوم....الساعة بتفرق فى انقاذ الطفل
الوقاية بقى أرجوكم....قبل ما الحادثة تحصل اساسا....و ما تقوليش مش حتحصل....الاحتياط واجب
كيفية وقاية الطفل من الوقوع
_ الطفل بينام فى سريره
_ لو مفيش سرير اطفال، افرشى بطانية او لحاف فوق سجادة على الارض و حطيه
_ اتأكدى انه بعيد عن اخواته الكبار، مهما كانوا دول اطفال مش فاهمين
_ لو حتحطيه على السرير، المخدات مش كفاية....بيزقوها و بيقعوا....خلى دايما جنب السرير سجادة تخينه مش سيراميك او رخام
_ فيه اطفال بتتقلب بدرى جدا.....حطيه فى الكاريكوت لو عندك....
_ سيبى الطفل فى المرجيحة بتاعته او الاونسر لو عندك....و اريطى الحزام ما تطنشيش
_ لو فارشاله فى الارض بيلعب، حطى دايما مخدة ورا راسه....مخدة الرضاعة بتنفع فى الظروف دى
_ لو الطفل فى الكارسيت (كرسى الاطفال)، اتأكدى انه عمل lock صح