كيف تهدا وتريح قلبك في وقت الابتلاء - How to be relax
 |
| كيف تهدا وتريح قلبك في وقت الابتلاء - How to be relax |
١- اعرف ان الايمان هو : ان تؤمن بالله وملائكة وكتبه ورسله واليوم الآخر ، و القدر - خيره وشره - يبقي تقبلك لاقدار الله ده من تمام الإيمان.
٢- الشهداء اللي استشهدوا ما ماتوش بسبب القصف ، ده كان ميعادهم و محدش يقدر يتحكم في ميعاد موته ، ومواعيد موتنا جميعا مكتوبة من واحنا في ارحام امهاتنا ، قال الحق عز وجل : فاذا جَاءَ أَجَلُهُمْ لا يَسْتَأْخِرُونَ سَاعَةً وَلا يَسْتَقْدِمُونَ
٣- اعرف ان الشهيد ما حسش بأي ألم نهائيا ، لان سيدنا النبي ﷺ قال : مَا يَجِدُ الشَّهِيدُ مِنْ مَسِّ الْقَتْلِ، إِلَّا كَمَا يَجِدُ أَحَدُكُمْ مَسِّ الْقَرْصَةِ
٤- ربك عدل لا يظلم ابدا ، هو ﷻ ادري بمملكته تمشي ازاي ، لو كان عقلك لا محدود وتقدر تدير هذا الكون كان ممكن نقولك قول رايك في الاقدار اللي بتحصل ، لكن انا وانت مجرد بشر ، عقولنا محدودة وما عندناش علم الغيب عشان نقدر عياذ بالله نعدل علي اقدار الله ، فارتاح واطمئن.
٥- أفتكر وصية سيدنا ومولانا محمد ﷺ لما قالك قول كل يوم الصبح وبلليل ٣ مرات الدعاء ده : رضيت بالله رباً وبالاسلام ديناً وبسيدنا محمد ﷺ نبيا ورسولاً.
٦- طول ما انت مؤمن و مُوحد فاصبر وانتظر النصر وانت مطمن لان رب العالمين قال : وان جُندنا لهم الغالبون.
٧- واخيرا صلّ علي سيدنا ﷺ كتير اوي ، فصلاتنا عليه هي الآن الملاذ الوحيد لقلوبنا.
فاللهم صل على سيدنا محمد طب القلوب ودوائها وعافية اﻷبدان وشفائها ونور الأبصار وضيائها وروح اﻷرواح وسر بقائها وعلى آله وصحبه في كل لمحة ونفس عدد ما وسعه علم الله.