خطورة الجبنة المعلبة نباتي الدهن - Vegan cheese
 |
| خطورة الجبنة المعلبة نباتي الدهن - Vegan cheese |
أنت عارف الجبن المعلبة نباتي الدهن بتتكون من إيه؟!
كانت إجابات كتييير بتقول
سبيداج الدهانات
أو معجون الدهانات
أو بودرة السيراميك
أو جبس ابيض
وطبعا دي كلها إجابات خاطئة
أصل مش معقول يا جماعة هيحطلك بودرة سيراميك ولا اسبيداج دهانات في علبة الجبنة يعني!
هو فين عقلهم؟!
معندهمش رحمة مثلا؟!
وفين ضميرهم عشان يضروك بالشكل ده!
ده غير إن في رقابة طبعا على المصانع دي..
دول يودوهم في داهية..
الجبن دى بتتصنع من زيت النخيييييييل..
أيون
زيت النخيل
مكون طبيعي
نباتي
ورخيييييص
ومبيأذيش
أيوة مبيأذيش دلوقتي
مش هتاكله و تموت في لحظتها يعني..
مع شوية لون أبيض (طبعا مصرح بيه من وزارة الصحة)
وشوية طعم جبنة (وطبعا مصرح بيه من وزارة الصحة)
دا غير إن زيت النخيل أصلا مصرح بيه من وزارة الصحة
كل ما فيها إنك لو أكلت ربع كيلو منها في اليوم
كإنك شربت شوية زيت نخيل حلوين
ولو أكلت ربع كيلو كل يوم
يبقى شربت زيت نخيل كل يوم
بيرسب على شراايينك ويسدها، ويرفع الدهون والكوليسترول، ويزود الوزن وتبقى أنت فاكر إنك بتاكل أكل صحي!
دا غير أمراض القلب
ولو أنتي حامل وفاكره إنك بتاخدي مصدر غني بالكالسيوم وفيتامين د عشان عضم طفلك يتكون بشكل سليم
فأحب أقولك إنه صفر كالسيوم وصفر فيتامين د
وهيزود لك وزنك أثناء الحمل
إللي بدوره ممكن يدخلك في تسمم حمل!
ده غير باقي المكونات من مبيضات و ألوان صناعية وطعم صناعي إحنا لسه منعرفش تأثيره على الجنين هيبقى شكله إيه !
خلي بالك واقرأي المكونات كويس عشان ميضحكوش علينا !
د. بسام انور