التعامل مع مشاعر الخوف والوجع عند الأطفال - Fear & Painful
مابتوجعش
ما بتخوفش
انت كده من غير ما تدرك بتزرع جواه فكره ان اي تجربه او خطوه مهم يعملها هي مشروطه بخلوها من الالم والخوف
ويبقي بشكل غير واعي بعد كده بيهرب من اي وجع او قلق حتي لو كان في حجم ممكن احتماله
اي تجربه ترك فيها اللم بس ربنا خلقنا اقويا كفايه ان احنا نتعامل مع الالم ده ونعديه
اي تجربه جديده او حاجه محتاجين نواجهها فيها خوف بس ربنا خلقنا اقويا كفايه اننا لو الحاجه دي فيها هدف يستاهل بالنسبالنا نقدر ناخد فيها خطوات رغم خوفنا
فكره انك تشرط علي نفسك انك تضمن قبل ما تتحرك انك مش هتتألم او هتخاف ده معتقد معطل جدا
لا احنا بنتألم ونخاف ونستعين
بدل ما تعلم ابنك تجنب الالم والخوف بالعكس اقر بيهم وعلموا ازاي يتعامل معاهم
لما ابنك يقولك الحقنه بتوجع قوله ايوه بتوجع شويه وبتخف كمان ساعه او تاني يوم بالكتير
لما ابنك يقلق ايام الامتحانات قوله ايوه عادي نخاف من الامتحان ونصلي قضاء حاجه ونعمل اللي علينا
لما ابنك يخاف من الوحده والهجر من صحابه قوله ايوه طبيعي انك تقلق وتفكر انك ممكن متلاقيش صحاب تاني بس بندعي ربنا نلاقي الصحبه الصالحه ونصبر
علموهم الصبر واليقين
علموهم يقولوا لا رغم الوجع والخوف
عشان لما يكبروا ميقبلوش اوضاع فيها اذلال وخضوع وقله قيمه عشان خايفيين من الوجع والتوتر
دي مشاعر طبيعيه احنا اقويا كفايه اننا نصبر عليها ونتحملها ونبني اراده قويه يوم ورا يوم ونتمرن علي الاراده لحد ما نبقي اصحاب اراده حديديه لا تقهرها الشدائد
ربوهم علي المواجهه بالوضوح والصدق
وكم من دواء مر ولكنه فيه شفاء عظيما
ويبقي الاثر
#ويبقي_الاثر