أزاي تتعامل صح مع الناس المؤذية في حياتك - Harmful people
أزاي تتعامل صح مع الناس المؤذية في حياتك - Harmful people |
مش المهم ايه اللي الناس بتعمله معاك او ايه اللي بيسمحوا لنفسهم يعاملوك بيه ده اخلاقهم وتربيتهم وامراض قلوبهم
رد فعلك انت بقي وقبولك بيه هو ده فعلا اللي بيعبر عنك
متشغلش نفسك خالص بأجابات اسئله كلها عند الطرف التاني وكونك مصدوم ومش مصدق ومش فاهم دي مرحله طبيعيه بس محتاج تمسك نفسك وتجمد كده عشان محدش هيقف لك ويحميك من تماديهم وقله ضميرهم اللي انت محتاج تستوعبها عشان تفهم انت بتتعامل مع ايه وهتتعامل معاه ازاي
مشكله الناس الطيبه انها رغم المواقف اللي واضحه زي الشمس بيكون لسه عندهم حسن ظن او امل
بيكونوا لسه متخيليين ان في حاجه من عندهم ممكن تتعمل تخلي الطرف التاني يتحول لشخص عنده وفاء وضمير ومتربي واخلاق
فبتكون نتيجه ده انهم بياخدوا ردود افعال ملهاش اي علاقه بحقيقه الوضع اللي هما فيه فده بيوقعهم في اذي اكتر وندم وجلد ذات شديد
وفعلا دي قله حكمه انك تبقي مصمم انك توجد مبررات للافعال دي عشان عاوز توهم نفسك لمده اطول ان العلاقه دي لسه مكمله عشان انت مش قادر تستحمل صدمه فشلها او خايف لو وقفت وخدت موقف الطرف التاني يبيعك ويقولك انك مش فارق معاه بس انت محتاج تعرف ان لو دي الحقيقه تأجيلك لمواجهتها مش هيغيرها هضيع عمرك بس
هي فشلت وانت دلوقتي تحت رحمه ناس معندهاش رحمه وتلصيمك للامور هيطول مده الوهم بس مش هيغير الحقيقه
وكل ما هتطول في التمسك بناس واشخاص محدش قبل بيهم غيرك عشان متخيل انك لو قدمت اكتر ده هيخليهم اكثر اخلاصا دي سذاجه ووهم محتاج تتعافي منه
الاوضاع الغير مقبوله تظل غير مقبوله وغير محتمله حتي لو في الاول بلعتها وتحملتها
الاشخاص اللي مش مخلصه الناكره للجميل هتفضل شايفاك معملتش حاجه مهما عملت عشان ده خلل اخلاقي عندهم مش ان عطائك مش ملحوظ ومهما فكرتهم هينكروا وهيطلعوا نفسهم مظلومين كمان واصحاب فضل وهيقلبوا الحقايق فأوعي اوعي تدخل في دايره انك تفكرهم باللي عملته معاهم كمل في كرم اخلاقك للاخر وقاوم انك تعمل ده مهما حسيت بالاستفزاز
ركز دلوقتي في رد فعلك انت
شروطك اللي مش هتقبل تكمل غير بيها
حدودك اللي عمرك ما هتسمح تاني ان حد يجي عليها
اي تنازلات تانيه هتجيبك هنا تاني وعاشر ومحدش هيمتنع انه يعمل معاك حاجه انت قابلها علي نفسك
لا تقبل علي نفسك من لم يرتضيه الله لك وتتوقع انك تعيش عيشه انت تشعر فيها بالتكريم
اقف لحقوقك دي الحاجه الوحيده اللي هتخرجك من احساس العجز
اعمل الصح وسيب النتايج علي ربنا كده كده قدرك مكتوب سواء عملت او معملتش بس موقفك هيفرق معاك نفسيا كتير
ويبقي الاثر
#ويبقي_الاثر