أزاي تتعامل مع الشخص العصبي وتوضع حد لإهانته ليك - Neural
أزاي تتعامل مع الشخص العصبي وتوضع حد لإهانته ليك - Neural |
عاوز تحس بمنتهي القوه قصاد الشخص اللي بيتعامل بشكل مش محترم ومتطاول اختار متتعصبش وترد الاسائه بالاسائه بس لازم ترد
اللحظه اللي حد فيها بيقل ادبه طبيعي جدا انك تحس انك فقدت السيطره علي نفسك حتي لو اول او تاني مره مردتش هتجيلك فكره انه كده بيتمادي عشان انت مهزقتوش ومسحت بيه الارض
وصح هو لازم يترد عليه بس مش بقله ادب ولا يشوفك منهار وفاقد السيطره علي نفسك لانه مش هيخاف منك بالعكس ده هياخد ده سكه انه يغيظك ويضايقك اكتر ويقولك بص منظرك
بص بتتكلم ازاي
اول حاجه غير نظرتك للشخص اللي مش بيتعصب لما حد يتطاول عليه وافتكر قول الرسول الكريم
ليس الشديد بالصرعه ولكن الشديد من يملك نفسه حين الغضب
طب املك نفسي ازاي
ايه رد الفعل الصح
اول رد فعل صح انك اصلا متكونش رد فعل وفي الوقت ده انت اي حاجه هتعملها هتبقي مفيهاش ريحه الحكمه والله اعلم هتوصلك لفين هدي كبريائك وغير نظرتك للشخص اللي مش بيتعصب
ثانيا بصله وابتسم ابتسامه كبيره وعيدله اللي هو قاله بالظبط بس اهم حاجه وانت مبتسم
يعني مثلا قالك انت قاعد تفتي وانت اصلا مبتفهمش حاجه
قوله :انت بتقول انت قاعد تفتي وانت مبتفهمش حاجه !!
انا هقوم عشان منوصلش لحته ملهاش لازمه ولينا كلام وتمشي فورا
ومهما قال كلام مستفز وانت قايم نفضله
طب وبعدين هو هيتجاهلني وانا كده مهزقتوش زي ما هزقني ؟؟
هقولك دي حدود لازم تعملها لنفسك والناس كلها تبقي عارفه انك محترم ومش بتنزل للمستوي ده من الحوار والرد القوي مش انك تعمل تصرف مؤقت مش هينهي الدايره دي هو بس هيريحك راحه وقتيه بس انت عاوز الشخص ده يلزم حدوده وده هنعمله دلوقتي
خد يوم او اتنين او تلاته ان شالله اسبوع لحد ما تكون هديت خالص وبعدين ارجع عرفه انت قررت ايه
بص يا فلان بعد اللي حصل منك اليوم الفلاني انا قررت ان اي مره هيتكرر منك اي تجاوز في الكلام انا هنهي النقاش فورا وهنكمله لما تبقي قادر تتكلم من غير افوره
وبعدها غير الموضوع واتكلم في حاجه تانيه
خلي الناس تعرف انك شخص عنده مبدأ انه بينهي اي نقاش مش محترم مش انه بيستفز ويعمل مناظر
شخص له هيبه يقولك فلان لو حد غلط معاه في الكلام بينفضله
مش بيقعد يرد عليه وينزل لمستواه ويهزقه ويتهزق واقوله انت فيك ويقولي انت فيك
وافتكر المشهد ده لما انت بتشوفه من بره بتحكم بأيه علي الناس اللي فيه اكيد بتشوفهم زي بعض
خلي عندك برستيج وهويه لشخصيتك انك شخص تقيل وواثق وعارف انت بتعمل ايه
ولو الامر استمر يبقي انت محتاج حاجه كده شبه قاعده العرب معاه تحكي فيها اللي بيعمله ورد فعلك وتحذيرك ليه وتطلب من الناس تحكم ما بينكم وتلزمه بالاحترام
وافتكر ديما ان الشخص ده جواه شعور عميق بالضعف بيطلعه علي شكل تقليل واهانه غالبا هيطلع مع اتنين
اللي عارف انه ملوش شخصيه
واللي عارف انه مميز وكونه يتطاول عليه بيحسسه انه انجز
فلو انت النوع التاني فكر نفسك انت مين
ولو انت النوع الاول ليك عندي فيديو هيفهمك حاجات كتير عشان تقوي شخصيتك
متنزلش لمستواهم طلعهم لمستواك
اتفقنا ؟
اتفقنا ان شاء الله