هوس النظافة في مسلسل أشغال شقة - Hygiene
 |
| هوس النظافة في مسلسل أشغال شقة - Hygiene |
مشهد السفرة
مشهد الجزمة
مشهد الحمام
مشهد السفرة
الزوجة و الزوج بياكلوا و ندهوا لهناء ( الشغالة ) عشان تاكل معاهم فشافت الزوج بيحط معلقته اللى بياكل بيها فى حلة الفاصوليا فقرفت و اعتذرت انها هتاكل عيش و جبنة
فالزوجة استغربت و بتسألها ليه ؟ انت زعلانة من حاجة
قالتلها ا.حمدى حط معلقته فى الفاصوليا
فطبعا استغربوا و بصوا لبعض و ضحكوا من تحت لتحت
راحت غرفت لها فرخة و سندتها بصباعها راحت هناء قالت لأ مش عاوزة اكل حاجة حد لمسها بايده
...
مشهد الجزمة
الزوجة راجعة من بره ف هناء بتقول لها اقلعى الجزمة لأن الشارع متوسخ
....
مشهد الحمام
بتقول لهم اللى يعمل حمام ميطرطش على القاعدة ولا الأرض و يستخدم الفرشة ينضف بيها لو وسخ حاجة
...
طبعا الموضوع معروض بشكل كوميدى و بيصور هناء انها اووووووفر و موسوسة ولكن بالرغم من كدة هم كانوا متمسكيين بيها جدا و بيشهدوا بنضافتها
فمش عارفة حاسة المسلسل كان مفروض يعرض بطريقة مختلفة عشان يوصل للناس ان هناء هى اللى صح
مش العكس زى ما وصل للجمهور
و الحاجات دى مش حسوكة ولا نضافة زيادة ولا اوووووفر
دى من ابسط قواعد النظافة الشخصية ( personal hygiene)
المفروض لما تدخل بيت حد تقلع الجزمة من غير ما حد يطلب منك
المفروض تستخدم الحمام بنضافة ولو وسخت حاجة متخرجش قبل ما تنضف مكانك
المفروض تغرف بمعلقة غرف مش تحط معلقة بتاكل بيها فى صينية الناس هتاكل معاك منها
( الجراثيم الموجودة فى فم الانسان اكتر اضعاف اضعاف من اللى موجودة فى البول )
*و عشان كدة الرسول صلى الله عليه وسلم نهى عن النفخ فى الطعام *
مينفعش نتريق على الكلام ده بشكل كوميدى و لذيذ لأنه بيرسخ فى ذهن الناس و الاطفال ان دى حاجات اوفر و حسوكة زيادة
...
محتاجة ازود جزء مهم
اما تفتح حنفية عشان تغسل ايدك و ايدك دى مش نضيفة فالبديهى و الطبيعي انك تغسل الحنفية كمان مع ايدك
لانك guess what ! وسخت الحنفية و هترجع تقفلها و توسخ ايدك تانى